Drama Natal

NAPANASI”

NATAL PARSAHUTAON SAWAH TIGA”

“HOLONG DIBAGASAN NATAL”

    Godang do akka las ni roha nadapotta dibagasan ngolutta be, alai tung asing situtu do las ni roha di tikki natal on, tarlumobi ma molo jumpang hita tu akka dongan namarholong ni roha tu hita. Alai, adong dope las ni roha namassai uli, bagas jala lambok, ima holong ni DEBATA tu hita jolma on, dibahen balga ni asi ni rohani Tuhanta i, dilehon ma tu hita dibagasan NATAL on, anakNA na sada-sada i, asa unang mago hita ganup marsada-sada.

BABAK I

(“dibagasan sada lapo tuak/ kopi, marpungu ma akka doli-doli nang ama-ama, huhut sambil manghatai”)

Bonar     : Ai.... nabohado ngolukhon hamuna, ari tu ari, bulan tu bulan, nang taon tu taon, tong sai   lalap iba pogos !!!. hape nunga godang hu ulaon akka karejo dalan ni hepeng...

                 Mangarampok....pabada-bada jolma.... nang padalanton narkoba,,,,,

                 Alai, tong lam pogos ???

                 Ah,,,,tahe...

                (manghatai alai suarana denget, dungi ro ma donganna si sakkot)

Sakkot    : olo...bolo... lae !!!

                 Unang pala papikkir hu hita disi, napenting boi hita hepi-hepi tu dolok tu toruan, boi hita     minum-minum tiap borngin, ai ido jambarta namangolu on lae !!!

                 Molo adong namangattoi... asa taribak sakkunai...

                 (tikki namakkatai si bonar dohot si sakkot, huhut dibege si sarpu na hundul di ujung ni lapo)

Sorpu      : sattabi jo dihamu lae...

                 Songon nagoit hubege panghataion munai....

                 Alana, dang sintong sude akka na didok munai lae, ikhon tontong do hita marningot tu hagogoan ni Tuhan i, tarlumobi ma di hari natala on !!!

Bonar     : bah... aha nimmu lae ??

                 Naso ditanda hamu do manang na ise au ???

Sakkot    : Ido,,,,

                 Molo dang sonang ho disi, asa hupasonang ho borngin on, hatop dokhon ma aha pangidoanmu, asa ditanda ho ise laekhon,,,

Sorpu      : Dang na pajago-jago on lae,

                 Ai, nasintong do nahudok tu hamu nakkin...alani, dang salah hupasingot hamu lae !!!

Bonar     : Aha nimmu ???

                 Pasingotton ??? pinahan ni si takkas an ma jolo pasingot, asa pasingot au !!

                 (dung di bege ribut di lapo na, pittor kaluar ma parkode mandapothon akka parminum nai)

Parkode : Amang oh...

                 Unang jo sai marbadai hamu, satung gabe mate annon au, alani hamu, alani nga huboto  be hamu, molo ribut, gabe marutang nama hamu sude !!!

                 Pa so hamu boh.... sotung hassur au !!

Dokka     : Ai aha do inatta on... tarhona utang ditaringoti, sai manambahi keributan do hamu ???

                 Dapur an ma panot-noti....

Parkode : ngabe... hutanda do ho dokka,

                 Las ni roham do halakon ribut, asa dohot ho marutang muse !!!

                 Toe... pahundul hamu ma boh...

                 Pattang do sai marbadai di hari natal on...

Dokka     : Memang ditanda ho do au nantulang,

                  Alai, sohea dijujui ho borum si marni i, asa olo tu au, sai lalap holan tuakmu dijujui ho tu au,

                 Hape, rope au tuson lao mamereng borum si marni do, dang tuak mon na porlu !!!

Parkode : bah...

                 Dang mungkin oloanku si marni tu ho, ai parutang busuk do gayam, sintanmu do bagak, anggo dompet do roa balangon songon udon !!!

Bonar     : akh..... ribut ni halakon....

                 Dang terima au disi bah...

                 Ikhon jolo mallapak do huida solop on borngin on ateh...

Dokka     : Agoh... patenang jo tokkin lae...

                 Asa tenang jo suasana on.... maila hita dibereng parlapo bariba an, sai marbadai hita dison !!!

                 Mardame ma hita boh.....

Sakkot    : Boa carana mardame ???

                 Marbadai nama naundenggan saonari on !!!

Dokka     : ai,,, ditanda ho do lae si sorpu on ??? umbahen ... sai songoni alusmu, on do pareman di terminal an, ganup jolma do mabiar tu lae on, dang songon ho holan anggar kandang do nyalim....

Sorpu      : dang di au be sisongoni lae,,

                 Akka nadenggan i ma taulahon, ai dang adong labani haparemanon ni, manang ginjang ni roha,,, ikhon taingot do hita di hagogohon ni tuhanta i !!

Bonar     : Bahh,,,

                 Ai hamu do hape lae, si sorpu sitiop gonting i ??

                 Sory.. jo bah... lae...dang hutanda nakkin...

Sakkot    : bahh..bahh... tutu !!!

                 Mangido maaf ma au disi lae ???

Dokka     : ima....

                  Holan di tanda hamu pittor mangirput do hamu, iala hatamu nakkin marapipulut songon lappet naso lakku, oh... maup ma hamu !!!

Sorpu      : nunga be lae dokka,,,

                 Dang sai ukkiton be i, beta ma hita rap marnatal borngin, ai di borngin do tubu Tuhan JESUS si palua hita ...

                 Beta ma hita sude... ikhon rap do hita !!

Parkode : dohot do au bah...

                 Tatutup ma bulus lapo on borngin on, alai pangidoanku.. bah... jolo bayar hamu majo boh tuak muna i ateh...

                 Sotung tuppur au puang ????

Dokka     : lalap ma holan hepeng pikkiranmu...

                 Beta ma ... tutup ma lapomi, annon hubayar pembayaran i !!!

Parkode : marni....

                 Toe... tutup ma kodenta on,,,

                 Asa rap marnatal hita dohot akka itomon !!

Marni     : ai, jam pitu dope oma, boasa pittor tutup,

                 Lam martipis ma annon puro-puromi, molo pittor tutup lapo on ???

Parkode : daong...

                 Tutup nikku..tutup ma, sai dihatahon ho naso sihataon !!!

Marni     : olo oma....

(Borhat ma sude pangisi ni lapo, lao mangaradoti ulaon pesta natal)

BABAK II

(Nangpe godang akka ulaon ni jolma na lobi penting, pittor ditadingkon nasida ma, asa lao mangaradoti ulaon pesta natal, ai di sadarion do tubu KRISTUS SI PALUA I, )

Sorpu      : Selamat hari natal ma di huta sude...

                  (marsijalangan tangan sude)

Bonar     : mangido maaf majo au ateh lae kejadian nakkingan i, sotung pola dipamasuk lae tu bagasan ni roham ateh lae ???

Sorpu      : olo lae...

                  Posma roham lae, dang adong hassit ni rohakku disi, alai pangidoanku, bah ikkon paubahon ni lae ma akka pangalaho naso ture i, ai naung hubolus do sude i lae,,

                 Dang adong apala saotik labani...

                 Manambahi sahit do haparemanan i!!

Sakkot    : ido hape lae...

                 Dang siulaon hape namanakko manuk na di tonga borngin hape ateh lae ???

Parkode : bah...bah...

                 Berarti ho do sakkot nasai manakko manukhi ateh,,, bursik ma jolma si songon ho, dang  holan kain ni si marni ditakko ho, sotung dohot do ho mambuat galas ni tuak i ???

Dokka     : nunga be nantulang ...

                 Unang jo muruk ho sadarion, asa tabo jo berengon saong-saong mi ???

Sakkot    : ido nantulang...

                  Nga didok lae sorpu nakkin unang taingoti be akka naung salpu i, bah... molo hutakko pe manuk munai, bah,, unang be saingot-ingot hamu !!!!

Sorpu      : ido... jadi ikhon na denggan i ma taulahon,,,

                 Ikhon tabukka ma lembaran baru di hita !!! huhutnai, dang manginum tes hita di acara natal on ???

Parkode : bah,,tutu...

                 Marni, akh... so adong huida ho, lalap ma holan henponmi di patiop-tiop ho...

                 Lak huribak do huroa annon Henponmi... asa di boto ho namardai...

Marni     : holan naribut do ho oma,,,,

                 Nga dibereng godang akka doli-doli, sai tong dipagogo suarana,,, paila-ilahon,,,,

Dokka     : pala dohot au donganmu ito ????

Marni     : molo ringgas do roha hamu ito ???

Parkode : paso...disi dokka,

                 Unang banyak tingkah....

                 Lanema tu dapur an marni ,, paula so bege ma si dokka lapa-lapa i !!!!

(si marni lao tu dapur, si dokka gabe maila, jala hohom)

Bonar     : tuani ma bah boi rap marnatal hita sahalion....

                 Gabe sombu rohakku dibahen hamu sude !!! mulai sonari muba nama au, dang porlu hape akka pangalaho naso ture i sude i...

                 Bah,, mauliate ma dohonon tu hamu sude akka dongan !!!

Sorpu      : ikkon doi lae, ikhon muba ma hita di hatutubu ni Tuhan Jesus i, asa dilehon hita haipason dohot rejeki na uli tu hari nalao ro ..

Sakkot    : Ido lae.... tapauba mulai ollak ni on pangalahotta...

 selamat hari natal ma di hita sude ....

parkode : Selamat hari natal ma di hita, alai tong do ikhon ingoton muna akka utang muna ateh ???

                 sotung gabe lupa hamu....

(marsijalangan sude pemain drama)

~~~~~~******* TAMAT ********~~~~~~~

“SELAMAT HARI NATAL 25-26 DESEMBER 2011

&

TAHUN   BARU   2012    “